Міндет

Ең үздік клиникалық тәжірибені, ғылым мен білімді интеграциялау арқылы ерекше қажеттіліктері бар пациенттердің өмір сүру сапасы мен денсаулығын жақсарту

Көзқарас

Халықаралық стандарттарға сәйкес келетін реабилитациялық, ғылыми және білім беру қызметін жүзеге асыратын, елдегі реабилитациялық ұйымдардың қызметін үйлестіретін әлемдік деңгейдегі көшбасшы болу, пациенттердің сапасы мен қауіпсіздігін қамтамасыз ету

Тарихы

• 2007 жылдың 10 қыркүйегінде Республикалық балалар реабилитациялық орталығы (2016 жылға дейін – Республикалық, бұдан әрі – Орталық) алғашқы пациенттерін қабылдады.
• Орталықты 15 жыл бойы тәжірибелі денсаулық сақтау ұйымдастырушысы, жоғары санатты невролог-реабилитолог дәрігері, медицина ғылымдарының докторы Шолпан Әділжанқызы Бөлекбаева басқарды. Оның елдегі балалар реабилитологиясының дамуына қосқан зор үлесі мемлекеттік наградалармен: «Шапағат» медалімен және «Парасат» орденімен атап өтілді. Оның докторлық диссертациясы церебралды сал ауруы бар балаларды емдеу және реабилитациялау мәселелеріне арналған.
• Елімізде алғаш рет Орталық базасында психоневрологиялық және нейроортопедиялық патологиялары бар балаларды реабилитациялау жүйесі құрылды. Ол медициналық, әлеуметтік және психологиялық-педагогикалық көмекті, сондай-ақ балаларды жалпы, қосымша және түзету бағдарламалары бойынша рационалды диеталық тамақтандыру мен оқытуды, паралимпиадалық ойындарға қатыстыруды қамтиды.
• Қазақстанда алғаш рет Орталық динамикалық проприоцептивтік түзету әдісі («Адели», «Гравитон» костюмдері), қозғалыстарды клиникалық талдау әдісі (постурография, биологиялық кері байланыс әдісі), роботтандырылған кинезотерапия («Локомат» және «Армео» кешендері), «ExoAtlet» экзоскелеті сияқты заманауи технологияларды енгізді.
• Еңбек терапевтері, ойын терапевтері, музыка терапевтері, Монтессори-педагогтары сияқты мамандар алғаш рет енгізілді.
• Елімізде алғаш рет аутистік спектр бұзылыстары бар балаларға арналған реабилитациялық іс-шаралар ұсынылды.
• Бір Орталықта алғаш рет әлеуметтік реабилитация бағдарламасы енгізілді, оның құрамына ортездеу, хореографиялық, спорттық, музыкалық залдар, еңбек терапиясына арналған шеберханалар, компьютерлік сыныптар, қысқы бақтар, биологиялық кері байланыс кабинеттері кірді.
• Орталықта тұрақты негізде халықаралық қатысумен «Реабилитология және курортологияның басым бағыттары» атты ғылыми-практикалық конференциялар өткізіледі. Оған Ұлыбритания, АҚШ, Германия, Италия, Ресей, Жапония, Оңтүстік Корея, Қытай, Словения, Литва, Моңғолия, Қырғызстан және т.б. 25-тен астам елдің жетекші мамандары мен сарапшылары қатысты.
• Орталықта жыл сайын 4200 бала реабилитациядан өтеді. 15 жыл ішінде 61 647 бала сауықтырылды. Олардың ішінде 32 975 бала (56%) әлеуметтендірілді. Реабилитациялық қызметтер кешенін көрсету интегративті реабилитация моделін қолдану арқылы жүзеге асырылады, мұнда Орталық қызметінің негізіне мультидисциплинарлық реабилитацияның үш аспектісін пайдалану жатады: медициналық реабилитация, педагогикалық түзету, әлеуметтік бейімделу.

Орталықтың жетістіктері

• 2023 ж. – Орталық жоғары санатты беріле отырып, ұлттық қайта аккредиттеуден сәтті өтті.
• 2023 ж. – Қосымша және формальды емес білім берудің халықаралық институционалдық аккредиттеуі.
• 2023 ж. – Ғылыми және ғылыми-техникалық қызмет бойынша аккредиттеу.
• 2021 ж. – Халықаралық Біріккен Комиссияның (Joint Commission International, JCI) қайта аккредиттеуі.
• 2018 ж. – Орталық жоғары санатты беріле отырып, ұлттық аккредиттеуден сәтті өтті.
• 2017 ж. – Халықаралық Біріккен Комиссияның (Joint Commission International, JCI) қайта аккредиттеуінен сәтті өтті.
• 2014 ж. – Әлемде алғаш рет Орталық Ұзақ мерзімді медициналық көмек көрсететін медициналық ұйым ретінде Халықаралық Біріккен Комиссияның (Joint Commission International, JCI) аккредиттеуінен сәтті өтті. Қазіргі уақытта JCI аккредиттеуі медициналық ұйымдардағы қызметтердің сапасы мен қауіпсіздігінің ең беделді және объективті халықаралық мойындауы болып табылады.
• 2013 ж. – Орталық «FEMTEC» Бүкіләлемдік сумен емдеу және климатология федерациясына кірді. Бальнеотерапия мен реабилитацияның дамуына қосқан үлесі үшін Орталық пен төрт қызметкер «FEMTEC» алтын медальдарымен марапатталды.
• 2013 ж. – Халықаралық бизнес рейтингінің қорытындысы бойынша Орталық «Сала көшбасшысы – 2013» деп танылды, Басқарма Төрағасы «Даңқ» орденімен, Басқарма Төрағасының орынбасары «Жыл маманы» атағымен марапатталды, қаржы директоры медальмен марапатталды.
• 2013 ж. – Орталық Саранск қаласында өткен «Инновациялық логопедия: жетістіктер мен перспективалар» атты студенттер мен логопедтердің оқу-әдістемелік жұмыстарының халықаралық қатысуымен өткен Бүкілресейлік конкурста «Авторлық оқу-әдістемелік материал» номинациясы бойынша I орынды жеңіп алды.
• Мемлекеттік грант аясында Қазақстан Республикасының 17 балалар мектепке дейінгі және реабилитациялық мекемелеріне Монтессори педагогикасы әдісі енгізілді.
• 2013 ж. – Орталық ғылыми ұйым ретінде аккредиттелді.
• 2013 ж. – Қызылорда облысында 50 төсекке арналған филиал ашылды.
• 2012 ж. – Орталық Санкт-Петербург қаласында 2012 жылдың желтоқсан айында өткен «Үздік БОС маманы» атты жалпыресейлік конкурстың жеңімпазы атанды.
• 2012 ж. – Орталық туралы ақпарат Ресейдің «Федералды анықтамалығына», Қазақстан Республикасы Тәуелсіздігінің 20 жылдығына арналған «Қазақстан денсаулық сақтау» анықтамалығына енгізілді.
• 2011-2012 жж. – «Фармацевтикалық шоқжұлдыз» конкурсының қорытындысы бойынша «Жыл клиникасы» номинациясында Орталық «2011 жылдың үздік клиникасы» және «2012 жылдың үздік клиникасы» ретінде ұсынылды.
• 2011 ж. – Орталықтың 25 қызметкері «Жер бетіндегі өмір үшін» анықтамалығына – ҚР денсаулық сақтау саласының үздік қызметкерлері тізіміне енгізілді.
• 2010 ж. – Ұлттық медициналық қауымдастық Орталыққа медициналық көмектің жоғары сапасы үшін «Мейірімділік» қоғамдық тану белгісін тағайындады.

Ұйымдық құрылым